زي ما اتكلمنا عن الحاجات اللي الرجالة ممكن يعملوها و تتسبب ف ضعف او فشل العلاقة العاطفية , فلازم برضو نقول الغلط اللي عند الستات , يعني هما الستات فاهمين كل حاجة و بيعملوا كل حاجة صح ؟؟؟ اكيد لأ طبعا .. مفيش حد معصوم من الخطأ إلا ربنا سبحانه بس , غير كده كلنا بنعك و احيانا مش اي عك .
1- اول حاجة الست او البنت دايما بتشوفها ان اي علاقة فشلت ف حياتها هتوقف حياتها على كده , و ان هي عمرها ما هتقدر تحب او تسعد انسان تاني , و ده مفهوم غلط جدا , هو في حد ذاته اللي بيوقف الدنيا عندها , يعني احساسي دايما اني مش هقدر احب حتى لو قابلت الشخص المناسب اللي يعوضني عن العلاقة اللي فشلت دي كافي انه يخليني انصرف بشكل ينهي العلاقة قبل ما تبدأ !! و ده اكبر غلط , كل تجربة او فشل يعدي ف حياة الإنسان مش لازم ياخده انه نقطة النهاية , لأ نقطة و من اول السطر و مين عارف يمكن السطر ده لما يتكتب يبقى احلى من مليون صفحة قبل كده .. اكيد هيبقى احلى .. و يمكن انا هنا بوجه كلامي للبنات اه بحكم ان رومانسيتهم اعلى و عواطفهم تأثيرها اكبر عليهم , لكن ده لا يعني ان الكلام يمشي عالرجالة برضو طبعا .. و مش بس في العلاقات العاطقية و الإرتباطات لكن كمان ف اي موقف ف الحياة عموما .. بلاش يبقى السؤال ايه سبب الفشل و لو حصل كذا كان ممكن يحصل ايه ؟؟ خليه ايه اللي لازم اعمله من دلوقت عشان الفشل ميتكررش ؟ اللي حصل حصل المهم اللي بيحصل و هيحصل .
2- تاني حاجة بقى ان الست اول ما ترتبط بواحد اول حاجة تعملها انها تبقى مراقباه ... الباسوورد بتاعك ايه ؟ فلانة دي بتكلمك بالطريقة الفلانية ليه ؟ الموبايل .. الرسايل .... و هكذا ...
و كل ده معناه ان فيه عدم ثقة .. و دي بقى يا إما اوهام بمعنى ان الست تشك ف الرجل عشان المثل بيقول يا مآمنة للرجال ف هما لازم يتراقبوا اول ب اول , و دي اغلبها ملهاش اساس .... و ممكن يكون سبب الشك هو انها قفشت حاجة قبل كده عليه يعني فعلآ كان على علاقة بواحدة ايا كان مسمى العلاقة و بالتالي هي مش قادرة تستعيد الثقة الكاملة المطلقة فيه اللي قبل الموضوع ده ...
و هنا الراجل لازم يبذل اكبر جهده عشان يكسب ثقتها تاني لو عايز يحافظ عالعلاقة دي ....
و الست تبعد عن دور المخبرين ده !!! يعني خلي عندك ثقة ف ربنا اولآ انه مش هيسمح ان تحصل حاجة ضرك لو انتي مخلية الموضوع كله ف ايده .. و ثقة ف نفسك ... و ثقة فيه إلهي يكرمك , و ابعدي عن كل المصادر اللي ممكن تتعبك . بلاش الموبايل و بلاش تشوفي الكلام اللي بيتقاله و بيتكتبله .. متحرقيش ف دمك من الآخر ... هو لو هيخونك هيخونك حتى لو مراقباه ده ان مكانتش مراقبتك اصلآ ليه هي اللي هتخليه يخنك .. ولو بيحبك و مراعي ربنا و قدامه بنات الدنيا هيبقى شايفك انتي برضو حاجة غيرهم كلهم .
3- تالت حاجة ان مش لازم الراجل اللي مرتبطة بيه يكون بيحب كل حاجة بتحبيها و مهتم بكل اللي انتي مهتمة بيه , كل واحد و ليه اهتماماته , آه طبعا يبقى حلو اوي لو فيه حاجات مشتركة , لكن وارد جدا ان يكون فيه حاجات اكتر مش مشتركة , فالأحسن ان رغي الستات اللي احنا بنحبه ده يبقى مع صديقتك المفضلة , لأن الرجالة اغلبهم بيحبوا الأحداث باختصار – ولو اني اعرف رجالة بيحبوا اوي التفاصيل و ده لو لقيتيه مش هتحتاجي حد – بس الإحتياط واجب عشان متفهميش ان ده عدم اهتمام منه بيكي , لكن برضو نقول الحق يعني لو لقيتيه بيحب يسمع الكلام ده بس مع غيرك يبقى ساعتها لازم وقفة أمال ايه !!!
4- رابع حاجة – للأسف- الرومانسية الحالمة بتاعة الأفلام دي , الورد الأحمر و الكلام الرقيق و الفارس الشجاع اللي بييجي ينقذ الأميرة ف آخر لحظة في الفيلم !! مبتحصلش ابدا – للأسف مرة تانية اهيء اهيء - يعني ماله يعني فيلم الجميلة و الوحش ؟؟ ناقص ايه يعني ؟ عايزة ساحرة و قصر مسحور و شمعة و براد و منبه و مقشة بيتكلموا ؟؟ هي صعبة اوي كده ؟؟!! المهم انسوها و خلينا ف الواقع ولو جابلك وردة حتى عالفيس بوك احمدي ربنا بلاش طمع .
5- خامس حاجة و تعتبر برضو متعلقة برقم اربعة هي الإعتقاد ان العلاقات الناجحة معناها انه ميكونش فيه مشاكل او خلافات .. و ده اكبر غلط , ده حتى الكاتب الدكتور سمير عبد القادر يقول " اذا كان الزوجان دائما على وفاق فلابد ان يكون احدهما غبيًا " .. الطبيعي ان دول اتنين من بيئتين مختلفين و فكر مختلف و طباع و عادات مهما تشابهت مش هتبقى متطابقة , ده بيبقوا اخوات من بيت واحد و كل واحد شخصية مختلفة عن التاني خالص امال اللي مش من بيت واحد هيبقوا ازاي ؟
المهم هنا مش ان يكون فيه خلافات لكن ايه هي نوعية الخلافات ؟ هل خلافات ف اساسيات صعب حلها ؟ ولا خلافات نتيجة سوء فهم عشان الطباع دي ؟ و هل الخلافات دي بتقل مع الوقت ولا بالعكس بتزيد ؟ هل هي فنفس الموضوع ولا بختلف ؟ و من الأسئلة دي : الصح ان يكون فيه خلافات لكن يكون ليها حلول , عادي جدا تيجي خلافات نتيجة للطباع المختلفة , هتقل مع الوقت , و الصح انها متكونش فنفس الموضوع لأن لو فنفس الموضوع يبقى مفيش تفاهم .. الأهم من الخلافات بقى و خليكوا معايا كده هو الطريقة اللي بتختلفوا فيها , و اللي بتحلوا الإختلاف بيها , انها تكون طريقة عقلانية مش مجرد انفعالات , ان ميكونش الغضب هو المسيطر , و ان ميتقالش ولا يتعمل فيها اي تصرف ممكن يهين الطرف التاني , تكون بهدوء او حتى بعد الأطراف دي ما تهدى , الكلام يبقى بهدوء و بدون تدخل اي اطراف , و محاولة الوصول لحل للوضع ده يرضي الطرفين ... انما اهانة او تجاهل او مقاطعة في الكلام او استهزاء بالفكر الآخر او تسرع في الحكم ..... كل ده يزود المشكلة ميقللش ابدا , و حاجة كمان ان مهم اوي ان الإختلافات دي تتناقش اول بأول لأن تراكمها هيبني في الآخر حاجز كبيييييييير صعب ساعتها يتهد .
طبعا لسه الكلام مخلصش .. و عارفة ان فيه رجالة دلوقت بتقول يا سلام عملت غلطات الرجالة 3 اجزاء و الستات غلبانين كلمتين و خلاص !!!!! ابدا ولا يمكن يحصل ...
Nervana Nagy
5-6-2010
1- اول حاجة الست او البنت دايما بتشوفها ان اي علاقة فشلت ف حياتها هتوقف حياتها على كده , و ان هي عمرها ما هتقدر تحب او تسعد انسان تاني , و ده مفهوم غلط جدا , هو في حد ذاته اللي بيوقف الدنيا عندها , يعني احساسي دايما اني مش هقدر احب حتى لو قابلت الشخص المناسب اللي يعوضني عن العلاقة اللي فشلت دي كافي انه يخليني انصرف بشكل ينهي العلاقة قبل ما تبدأ !! و ده اكبر غلط , كل تجربة او فشل يعدي ف حياة الإنسان مش لازم ياخده انه نقطة النهاية , لأ نقطة و من اول السطر و مين عارف يمكن السطر ده لما يتكتب يبقى احلى من مليون صفحة قبل كده .. اكيد هيبقى احلى .. و يمكن انا هنا بوجه كلامي للبنات اه بحكم ان رومانسيتهم اعلى و عواطفهم تأثيرها اكبر عليهم , لكن ده لا يعني ان الكلام يمشي عالرجالة برضو طبعا .. و مش بس في العلاقات العاطقية و الإرتباطات لكن كمان ف اي موقف ف الحياة عموما .. بلاش يبقى السؤال ايه سبب الفشل و لو حصل كذا كان ممكن يحصل ايه ؟؟ خليه ايه اللي لازم اعمله من دلوقت عشان الفشل ميتكررش ؟ اللي حصل حصل المهم اللي بيحصل و هيحصل .
2- تاني حاجة بقى ان الست اول ما ترتبط بواحد اول حاجة تعملها انها تبقى مراقباه ... الباسوورد بتاعك ايه ؟ فلانة دي بتكلمك بالطريقة الفلانية ليه ؟ الموبايل .. الرسايل .... و هكذا ...
و كل ده معناه ان فيه عدم ثقة .. و دي بقى يا إما اوهام بمعنى ان الست تشك ف الرجل عشان المثل بيقول يا مآمنة للرجال ف هما لازم يتراقبوا اول ب اول , و دي اغلبها ملهاش اساس .... و ممكن يكون سبب الشك هو انها قفشت حاجة قبل كده عليه يعني فعلآ كان على علاقة بواحدة ايا كان مسمى العلاقة و بالتالي هي مش قادرة تستعيد الثقة الكاملة المطلقة فيه اللي قبل الموضوع ده ...
و هنا الراجل لازم يبذل اكبر جهده عشان يكسب ثقتها تاني لو عايز يحافظ عالعلاقة دي ....
و الست تبعد عن دور المخبرين ده !!! يعني خلي عندك ثقة ف ربنا اولآ انه مش هيسمح ان تحصل حاجة ضرك لو انتي مخلية الموضوع كله ف ايده .. و ثقة ف نفسك ... و ثقة فيه إلهي يكرمك , و ابعدي عن كل المصادر اللي ممكن تتعبك . بلاش الموبايل و بلاش تشوفي الكلام اللي بيتقاله و بيتكتبله .. متحرقيش ف دمك من الآخر ... هو لو هيخونك هيخونك حتى لو مراقباه ده ان مكانتش مراقبتك اصلآ ليه هي اللي هتخليه يخنك .. ولو بيحبك و مراعي ربنا و قدامه بنات الدنيا هيبقى شايفك انتي برضو حاجة غيرهم كلهم .
3- تالت حاجة ان مش لازم الراجل اللي مرتبطة بيه يكون بيحب كل حاجة بتحبيها و مهتم بكل اللي انتي مهتمة بيه , كل واحد و ليه اهتماماته , آه طبعا يبقى حلو اوي لو فيه حاجات مشتركة , لكن وارد جدا ان يكون فيه حاجات اكتر مش مشتركة , فالأحسن ان رغي الستات اللي احنا بنحبه ده يبقى مع صديقتك المفضلة , لأن الرجالة اغلبهم بيحبوا الأحداث باختصار – ولو اني اعرف رجالة بيحبوا اوي التفاصيل و ده لو لقيتيه مش هتحتاجي حد – بس الإحتياط واجب عشان متفهميش ان ده عدم اهتمام منه بيكي , لكن برضو نقول الحق يعني لو لقيتيه بيحب يسمع الكلام ده بس مع غيرك يبقى ساعتها لازم وقفة أمال ايه !!!
4- رابع حاجة – للأسف- الرومانسية الحالمة بتاعة الأفلام دي , الورد الأحمر و الكلام الرقيق و الفارس الشجاع اللي بييجي ينقذ الأميرة ف آخر لحظة في الفيلم !! مبتحصلش ابدا – للأسف مرة تانية اهيء اهيء - يعني ماله يعني فيلم الجميلة و الوحش ؟؟ ناقص ايه يعني ؟ عايزة ساحرة و قصر مسحور و شمعة و براد و منبه و مقشة بيتكلموا ؟؟ هي صعبة اوي كده ؟؟!! المهم انسوها و خلينا ف الواقع ولو جابلك وردة حتى عالفيس بوك احمدي ربنا بلاش طمع .
5- خامس حاجة و تعتبر برضو متعلقة برقم اربعة هي الإعتقاد ان العلاقات الناجحة معناها انه ميكونش فيه مشاكل او خلافات .. و ده اكبر غلط , ده حتى الكاتب الدكتور سمير عبد القادر يقول " اذا كان الزوجان دائما على وفاق فلابد ان يكون احدهما غبيًا " .. الطبيعي ان دول اتنين من بيئتين مختلفين و فكر مختلف و طباع و عادات مهما تشابهت مش هتبقى متطابقة , ده بيبقوا اخوات من بيت واحد و كل واحد شخصية مختلفة عن التاني خالص امال اللي مش من بيت واحد هيبقوا ازاي ؟
المهم هنا مش ان يكون فيه خلافات لكن ايه هي نوعية الخلافات ؟ هل خلافات ف اساسيات صعب حلها ؟ ولا خلافات نتيجة سوء فهم عشان الطباع دي ؟ و هل الخلافات دي بتقل مع الوقت ولا بالعكس بتزيد ؟ هل هي فنفس الموضوع ولا بختلف ؟ و من الأسئلة دي : الصح ان يكون فيه خلافات لكن يكون ليها حلول , عادي جدا تيجي خلافات نتيجة للطباع المختلفة , هتقل مع الوقت , و الصح انها متكونش فنفس الموضوع لأن لو فنفس الموضوع يبقى مفيش تفاهم .. الأهم من الخلافات بقى و خليكوا معايا كده هو الطريقة اللي بتختلفوا فيها , و اللي بتحلوا الإختلاف بيها , انها تكون طريقة عقلانية مش مجرد انفعالات , ان ميكونش الغضب هو المسيطر , و ان ميتقالش ولا يتعمل فيها اي تصرف ممكن يهين الطرف التاني , تكون بهدوء او حتى بعد الأطراف دي ما تهدى , الكلام يبقى بهدوء و بدون تدخل اي اطراف , و محاولة الوصول لحل للوضع ده يرضي الطرفين ... انما اهانة او تجاهل او مقاطعة في الكلام او استهزاء بالفكر الآخر او تسرع في الحكم ..... كل ده يزود المشكلة ميقللش ابدا , و حاجة كمان ان مهم اوي ان الإختلافات دي تتناقش اول بأول لأن تراكمها هيبني في الآخر حاجز كبيييييييير صعب ساعتها يتهد .
طبعا لسه الكلام مخلصش .. و عارفة ان فيه رجالة دلوقت بتقول يا سلام عملت غلطات الرجالة 3 اجزاء و الستات غلبانين كلمتين و خلاص !!!!! ابدا ولا يمكن يحصل ...
Nervana Nagy
5-6-2010
No comments:
Post a Comment