إزاي تروح القمر و انت مش معاك غير جنيه واحد ؟ "
1- معرفش 2-je ne sais pas 3- I don't know
اتصل بالنمرة اللي قلناها لو عرفت الإجابة , هتوصلك الهدية سخنة لحد باب البيت "
- سبحان الله , ايه اللي جرالها البت كانت بعقلها , دي الناس كانت بتحلف ان عقلها اكبر من سنها , ايه اللي طيره كده ؟؟!!! هي مين دي ؟ دي انا ... و انت و انتي كمان ... اللي فاكر اني جاية اقول كلام كبير يروح و مش موضوعي النصب اللي بنمر التليفونات ... اتقلوا كده و هتعرفوا , الحكاية يا سيدي و الموضوع يا ستي اننا ساعات بنحس اننا مش عايزين نسمع كلام تخين , يعني الدنيا مليانة بلاوي و كل واحد فيه اللي مكفيه هموم و مشاكل و شغل و درلسة و امتحانات و جيش ... شوفتوا اديكوا كشرتوا من اولها , لأ فكوا كده دي احلى حاجة وسط العك ده كله ان الواحد يقعد كده3مع نفسه و يسرح فحاجة اخر تهييس و يضحك على نفسه ... لأ ده مش هبل يا استاذ ياللي قاعد هناك لو سمحت , ده اسمه محاولة تخفيف الواقع المرير , يعني دايما لما يجيبوا دكتور نفساوي عالتليفزيون و يسألوه عن الإكتئاب يقول لازم نغير جو !! قال يعني انا لو فإيدي اغير جو هستنى حضرته يقوللي !!!! يعني لو محتاسة فوقت عشان المذاكرة ولا الشغل اغير جو ازاي و فين , فيبقى احلى حاجة انك تغير جو وانت قاعد مكانك , تجيب كل الجو اللي انت عايزه و تعيش ... احساااااااااااس جميييييييييييييييييييل ....
- السؤال اللي فوق ده جالي انهاردة فرسالة و صدق و لازم تصدق عشان انا ايه اللي يخليني اكدب عليك ان السؤال ده ليه اجابة !! ايه المشكلة ان الواحد تسرح منه دماغه يعني ماهي هتلف و ترجع تاني .. انا ساعات مثلآ بتخيل اني جيري و اتخيل حد اعرفه توم و افضل اتخيل اني بجننه ههههه مع اننن توم ده ممكن ميكونش حد مزعلني وانا مش قادرة عليه مثلآ بس ممكن يكون حد بيعجبني احساسي وانا بجر شكله .
- يعني اكتر حاجة بتضحكني فوسط ماكون متعكننة عكننة الدنيا شريط سجلته زمان – ايه يا جماعة انا مبدعة من صغري – الشريط ده عملته انا و اختي و ابن عمي و اخته – عارفة انها بنت عمي يا خفيف منك ليه بس مينفعش اقول عليهم ولاد عمي و فيهم بنت- المهم كنا بنعمل اعلانات , نألف اعلان عن اي حاجة و نلحنه و ننفذه و نسجله , فاكره اننا عملنا عن كراتيه , شيبسي , لحم مفروم فرج الله ههههههههههه – مش عايزة تريقة – و كان في حاجة اسمها سندباد بالهامبرجر عملناله برضو , انا ساعتها مكنتش كملت 10 سنين , و اكبر واحد فينا كان ابن عمي و كان عنده 11 سنة , يمكن فيه ناس بتقول ده هبل او لعب عيال بس صدقوني التهييس فالصغر بينفع فالكبر , و كانت اوقات جميلة جدا لسه تأثيرها مستمر لحد انهاردة , ممكن انت كمان تعمل حاجة او تفكر فحاجة و تحس انك كبرت على كده او انك مينفعش تفكر كده بس تكون الحاجة دي مصدر سعادتك , طب و تضيعها ليه من ايدك ؟ عشان الناس ؟ الناس دول مبيجيش من وراهم إلا النكد ولو كانوا قادرين يفرحوك مكنتش هتدور على حاجة تفرحك ولا ايه ؟
- اسرح مثلآ و عيش فيلم كارتون بتحبه , حط فيه الشخصيات اللي عايزها من الواقع او من الخيال , بس بلاش لما تيجي تسرح تدور على حاجة تنكد عليك .. مش نيجي نصلحها تبهوأ مننا ... بعدها بتحس انك نفسك مفتوحة للدنيا تاني ..
- يعني هيحصل ايه لو الواحد فكر بشوية جنان , او سرح فشوية تهييس ؟ انا متأكدة اني مش لوحدي اللي بعمل كده . اكيد فيكم بيعلوا كده و اكتر كمان .... يتخيل انه حاجة غير اللي هو فيها دلوقت , انا كتير معرفش ليه بتخيل اني بياعة خضار و الزباين مطلعين عيني .. معرفش اشمعنى بياعة خضار !! يمكن عشان بابا ساعات بيقولي اني مش محسساه اني دكتورة و بقلب على بياعة فجل ؟؟؟ احتمال .
- و ساعات ببقى عايزة ابقى طباخة , ساعات مدرسة , بس الكتيييييييييييييير بقى اني ابقى تباعة على ميكروباص صدقوني مش بهرج , بتشدني الشغلانة دي اوي مش عارفة ليه , تلاقوه كده متشعلق فالباب و طاير نصه بره العربية .. و الأجرة يا نجم , نازلة فين يا انسة .... على ايدك يا اسطى .. و بيغني قهر مهما كان صوته ...... شغلة جمييييييييييييلة ..
- قولولي انتو بقى بتتخيلوا ايه و بتسرحوا في ايه ؟
- و عشان متزعلوش الإجابة بتاعة السؤال " تعمل مصيبة توديك ورا الشمس و من هناك تاخد توك توك بجنيه هيوصلك لحد القمر " ... اروح انا بقى اكل المهلبية ...
سلالالالالالالالالالام ...............
Nervana Nagy
1/8/2009
1- معرفش 2-je ne sais pas 3- I don't know
اتصل بالنمرة اللي قلناها لو عرفت الإجابة , هتوصلك الهدية سخنة لحد باب البيت "
- سبحان الله , ايه اللي جرالها البت كانت بعقلها , دي الناس كانت بتحلف ان عقلها اكبر من سنها , ايه اللي طيره كده ؟؟!!! هي مين دي ؟ دي انا ... و انت و انتي كمان ... اللي فاكر اني جاية اقول كلام كبير يروح و مش موضوعي النصب اللي بنمر التليفونات ... اتقلوا كده و هتعرفوا , الحكاية يا سيدي و الموضوع يا ستي اننا ساعات بنحس اننا مش عايزين نسمع كلام تخين , يعني الدنيا مليانة بلاوي و كل واحد فيه اللي مكفيه هموم و مشاكل و شغل و درلسة و امتحانات و جيش ... شوفتوا اديكوا كشرتوا من اولها , لأ فكوا كده دي احلى حاجة وسط العك ده كله ان الواحد يقعد كده3مع نفسه و يسرح فحاجة اخر تهييس و يضحك على نفسه ... لأ ده مش هبل يا استاذ ياللي قاعد هناك لو سمحت , ده اسمه محاولة تخفيف الواقع المرير , يعني دايما لما يجيبوا دكتور نفساوي عالتليفزيون و يسألوه عن الإكتئاب يقول لازم نغير جو !! قال يعني انا لو فإيدي اغير جو هستنى حضرته يقوللي !!!! يعني لو محتاسة فوقت عشان المذاكرة ولا الشغل اغير جو ازاي و فين , فيبقى احلى حاجة انك تغير جو وانت قاعد مكانك , تجيب كل الجو اللي انت عايزه و تعيش ... احساااااااااااس جميييييييييييييييييييل ....
- السؤال اللي فوق ده جالي انهاردة فرسالة و صدق و لازم تصدق عشان انا ايه اللي يخليني اكدب عليك ان السؤال ده ليه اجابة !! ايه المشكلة ان الواحد تسرح منه دماغه يعني ماهي هتلف و ترجع تاني .. انا ساعات مثلآ بتخيل اني جيري و اتخيل حد اعرفه توم و افضل اتخيل اني بجننه ههههه مع اننن توم ده ممكن ميكونش حد مزعلني وانا مش قادرة عليه مثلآ بس ممكن يكون حد بيعجبني احساسي وانا بجر شكله .
- يعني اكتر حاجة بتضحكني فوسط ماكون متعكننة عكننة الدنيا شريط سجلته زمان – ايه يا جماعة انا مبدعة من صغري – الشريط ده عملته انا و اختي و ابن عمي و اخته – عارفة انها بنت عمي يا خفيف منك ليه بس مينفعش اقول عليهم ولاد عمي و فيهم بنت- المهم كنا بنعمل اعلانات , نألف اعلان عن اي حاجة و نلحنه و ننفذه و نسجله , فاكره اننا عملنا عن كراتيه , شيبسي , لحم مفروم فرج الله ههههههههههه – مش عايزة تريقة – و كان في حاجة اسمها سندباد بالهامبرجر عملناله برضو , انا ساعتها مكنتش كملت 10 سنين , و اكبر واحد فينا كان ابن عمي و كان عنده 11 سنة , يمكن فيه ناس بتقول ده هبل او لعب عيال بس صدقوني التهييس فالصغر بينفع فالكبر , و كانت اوقات جميلة جدا لسه تأثيرها مستمر لحد انهاردة , ممكن انت كمان تعمل حاجة او تفكر فحاجة و تحس انك كبرت على كده او انك مينفعش تفكر كده بس تكون الحاجة دي مصدر سعادتك , طب و تضيعها ليه من ايدك ؟ عشان الناس ؟ الناس دول مبيجيش من وراهم إلا النكد ولو كانوا قادرين يفرحوك مكنتش هتدور على حاجة تفرحك ولا ايه ؟
- اسرح مثلآ و عيش فيلم كارتون بتحبه , حط فيه الشخصيات اللي عايزها من الواقع او من الخيال , بس بلاش لما تيجي تسرح تدور على حاجة تنكد عليك .. مش نيجي نصلحها تبهوأ مننا ... بعدها بتحس انك نفسك مفتوحة للدنيا تاني ..
- يعني هيحصل ايه لو الواحد فكر بشوية جنان , او سرح فشوية تهييس ؟ انا متأكدة اني مش لوحدي اللي بعمل كده . اكيد فيكم بيعلوا كده و اكتر كمان .... يتخيل انه حاجة غير اللي هو فيها دلوقت , انا كتير معرفش ليه بتخيل اني بياعة خضار و الزباين مطلعين عيني .. معرفش اشمعنى بياعة خضار !! يمكن عشان بابا ساعات بيقولي اني مش محسساه اني دكتورة و بقلب على بياعة فجل ؟؟؟ احتمال .
- و ساعات ببقى عايزة ابقى طباخة , ساعات مدرسة , بس الكتيييييييييييييير بقى اني ابقى تباعة على ميكروباص صدقوني مش بهرج , بتشدني الشغلانة دي اوي مش عارفة ليه , تلاقوه كده متشعلق فالباب و طاير نصه بره العربية .. و الأجرة يا نجم , نازلة فين يا انسة .... على ايدك يا اسطى .. و بيغني قهر مهما كان صوته ...... شغلة جمييييييييييييلة ..
- قولولي انتو بقى بتتخيلوا ايه و بتسرحوا في ايه ؟
- و عشان متزعلوش الإجابة بتاعة السؤال " تعمل مصيبة توديك ورا الشمس و من هناك تاخد توك توك بجنيه هيوصلك لحد القمر " ... اروح انا بقى اكل المهلبية ...
سلالالالالالالالالالام ...............
Nervana Nagy
1/8/2009
No comments:
Post a Comment